I burgosur që nga viti 1999, Ocalan bën thirrjen historike për çarmatosjen e PKK-së

Udhëheqësi i organizatës terroriste PKK, Abdullah Ocalan, i burgosur që nga viti 1999, ka bërë një thirrje historike për çarmatosjen e grupit, duke hapur rrugën për përfundimin e konfliktit që ka zgjatur mbi 40 vjet.

PKK, me sulmet e saj, ka shkaktuar mbi 40,000 viktima.

Ky hap, i përgatitur prej muajsh nga autoritetet turke dhe i pritur me interes në rajon, sinjalizon nisjen e një procesi që mund të sjellë paqe dhe stabilitet jo vetëm në Turqi, por edhe më gjerë. P

as thirrjes së Ocalanit, PKK dhe degët e saj siriane, irakiane dhe iraniane pritet të mbajnë një kongres për shpërbërjen dhe çarmatosjen.

Përveç dorëzimit të armëve, Ocalan ka bërë thirrje për braktisjen e ideologjisë komuniste që ka formësuar PKK-në dhe degët e saj për dekada, veçanërisht fraksionin sirian.

Turqia e ka çmontuar PKK-në brenda kufijve të saj që nga viti 2016 me operacione ushtarake dhe përdorimin e dronëve të avancuar, duke neutralizuar shumicën e bazave në Irakun verior dhe Siri.

Si rezultat, kapacitetet organizative dhe operacionale të grupit janë reduktuar ndjeshëm.

Megjithatë, mosbesimi mbetet i lartë dhe ndërhyrjet e fuqive rajonale si SHBA, Rusia dhe Irani mund të ndikojnë në zhvillimin e mëtejshëm të situatës.

LEXONI GJITHASHTU:

• Mesut Ozil i futet politikës në Turqi, merr postin në partinë e Erdogan
• Bisedimet SHBA-Rusi, Zelensky me Erdogan: S’i dorëzohemi “ultimatumeve” të Moskës