Zbulohen emrat e kryebashkiakëve të PS që do kandidojnë për deputetë

Në emisionin “Now” me Erla Mëhillin në Euronews Albania, janë shpalosur këtë të hënë emrat e mundshëm të kryetarëve të bashkive, të cilët do të lënë mandatin për të kandiduar për deputetë.

Gazetarja Enkelejda Mema zbuloi emrat e kryebashkiakëve të cilët pritet t’i bashkohen garës së socialistëve për 11 majin.

“Agron Malaj kryetar i bashkisë së Matit, Ervin Demo kryetar i bashkisë së Beratit, Juliana Memaj kryetare e bashkisë Dimal, Majlinda Bufi kryetare e bashkisë së Roskovecit, Tërmet Peci kryetar i bashkisë së Tepelenës.

Tërmet Peci është i sigurtë që do jetë në listën e kandidatëve të PS për qarkun e Gjirokastrës, kjo sepse në zonën e Tepelenës, PS mesa duket nuk ka prodhuar një emër të mirë të PS i cili mund të mbledhë vota”, tha gazetarja Mema.