OBSH: Vetëm shtatë vende në botë përmbushin udhëzimet për cilësinë e ajrit

11 Mars 2025 | 12:03

Vetëm shtatë vende në botë i përmbushën udhëzimet e Organizatës Botërore të Shëndetësisë (OBSH) për cilësinë e ajrit vitin e kaluar për praninë e grimcave toksike të njohura si PM2.5, sipas analizës së fundit të kompanisë zvicerane IQAir.

Kjo do të thotë se pothuajse në çdo vend të botës, ajri është më i ndotur sesa rekomandojnë mjekët, transmeton The Guardian. Australia, Zelanda e Re, Estonia dhe Islanda, si dhe disa shtete më të vogla ishullore, janë ndër vendet e pakta ku sasia e grimcave PM2.5 nuk i kalon 5mikrogram për metër kub.

Vendet më të ndotura janë Çadi, Bangladeshi, Pakistani, Kongo dhe India, ku në vitin 2024 niveli i grimcave toksike në ajër ishte të paktën 10 herë më i lartë se sa parashikojnë udhëzimet e OBSH-së, tregoi studimi.

Ndotja e ajrit është faktori i dytë më i madh i rrezikut që kontribuon në vdekshmëri, menjëherë pas presionit të lartë të gjakut, dhe mjekët thonë se miliona jetë mund të shpëtohen çdo vit nëse ndiqen udhëzimet e OBSH-së.

“Ndotja e ajrit nuk vret menjëherë, kështu që mund të duhen dy deri në tre dekada përpara se të shihen efektet shëndetësore, përveç nëse është shumë ekstreme ”, tha CEO i IQAir, Frank Hames.

Studimi, i cili është kryer për të shtatën vit, zbuloi se ka pasur progres në disa vende, ku përqindja e qyteteve që përmbushin standardet për praninë e grimcave PM 2.5 u rrit nga nëntë për qind në 2023 në 17 për qind vitin e kaluar.

Cilësia e ajrit është përmirësuar disi edhe në Indi, si dhe në Kinë ku nivelet e ndotjes pothuajse u përgjysmuan midis 2013 dhe 2020.

Home Kryefaqja
Shiko në: YouTube
Lajme të Sugjeruara

Një muaj pas tërmeteve vdekjeprurëse, venezuelianët ende kërkojnë të dashurit e tyre nën rrënoja

Më shumë se 5,300 njerëz janë konfirmuar të kenë vdekur nga tërmetet dhe më shumë se 16,500 të tjerë janë plagosur, sipas një numri të...
10:17 | 24/07/2026

Tentohet të vidhet një bankë në Gjermani, vritet një punonjës gjatë pengmarrjes. Arrestohet 20-vjeçari autor i krimit

Një burrë ka vdekur në një incident pengmarrjeje në një degë banke në Regensburg, Bavari, në Gjermaninë jugore. Policia ka arrestuar autorin e dyshuar pas...
10:03 | 24/07/2026

Riorganizim në qeverinë gjermane, Merz ndryshon kabinetin dhe shkarkon Ministrin e Transportit

Kancelari gjerman Friedrich Merz njoftoi  të premten, se Nina Warken do të marrë detyrën si drejtuese e kancelarisë së tij, pas lëvizjes së Torsten Frei...
09:41 | 24/07/2026