Rubio optimist: Shpresojmë se çështjet mbi ndihmën ushtarake mund të zgjidhen

Sekretari amerikan i Shtetit Marco Rubio është duke negociuar me ukrainasit në Jeddah të Arabisë Saudite, takim ky i cili sipas mediave të huaja, duket se mund të përkufizohet si një mbledhje e avancuar dhe positive.

“Gjëja më e rëndësishme me të cilën duhet të largohemi këtu është një ndjenjë e fortë se Ukraina është e përgatitur të bëjë gjëra të vështira,” tha Sekretari i Shtetit Marco Rubio, i cili ka drejtuar delegacionin e SHBA-së gjatë bisedimeve.

Rubio të hënën shprehu optimizëm se diskutimi i ardhshëm do të jetë një “ndërveprim pozitiv” dhe shpresoi se çështjet mbi ndihmën ushtarake mund të zgjidheshin.

“Unë imagjinoj se ata do ta ngrenë këtë dhe jam i sigurt se do të adresohet,” tha ai. “Dhe shpresojmë se do të kemi një takim të mirë dhe do të kemi lajme të mira për të shpallur në atë front. Unë mund t’ju siguroj këtë, ne nuk do të ofrojmë ndihmë ushtarake për rusët.”