Trump u bën thirrje emigrantëve të paligjshëm të “vetëdeportohen”

Presidenti i Shteteve të Bashkuara, Donald Trump, u bëri thirrje sot emigrantëve të paligjshëm që të “vetëdeportohen”, në një video promovuese si pjesë e një fushate për të lançuar një aplikacion për të ndihmuar emigrantët të largohen vullnetarisht nga Shtetet e Bashkuara.

“Njerëzit në vendin tonë në mënyrë të paligjshme mund të deportohen në një mënyrë të lehtë, ose mund të deportohen në një mënyrë më të vështirë, dhe kjo nuk është e këndshme”, tha Trump në një video 90 sekonda të postuar në platformën X.

Ai prezantoi aplikacionin Home Customs and Border Patrol (CBP), i cili thotë se do të “sigurojë një mënyrë të lehtë për njerëzit që ndodhen në vendin tonë në mënyrë të paligjshme të largohen dhe të deportohen vullnetarisht”.

Trump vuri në dukje se nëse njerëzit përdorin aplikacionin CBP Home për të dëbuar vullnetarisht, atyre mund t’u jepet mundësia që të kthehen ligjërisht në një moment në të ardhmen .

“Por nëse gjenden dhe deportohen, opsioni për t’u kthyer në Shtetet e Bashkuara nuk do të jetë më i disponueshëm”, paralajmëroi lideri amerikan, sipas portalit The Hill.

Ai e quajti aplikacionin ” opsionin më të sigurt për të huajt e paligjshëm dhe për zbatimin e ligjit “, duke vënë në dukje se ai kursen paratë e taksapaguesve amerikanë sepse përdor më pak burime.

“Aplikacioni CBP Home tani është falas në të gjitha dyqanet e aplikacioneve celulare dhe unë inkurajoj ata që kanë shkelur ligjet tona të përdorin këtë opsion. Bëjeni siç duhet sot dhe kthehuni në vendin tonë. Bëjeni gabim dhe nuk do të ktheheni kurrë”, tha Trump.

LEXONI GJITHASHTU:

• E gjithë vëmendja te telefonata me Trump, Putin flet përpara bisedës
• Trump Jr tha se bombardimi i Serbisë ishte gabim, John Bolton komenton deklaratën