“E bletë partinë pasi humbët vulën”, Kapri përplaset ashpër me Jupin

Erald Kapri, kandidat për deputet i partisë Mundësia debatoi në emisioni Now me Taulanda Jupin nga Koalicioni Euroatlantik të drejtuar nga Lulzim Basha lidhur me sistemin e listave të mbyllura.

Sipas Jupit partitë e reja nuk patën guximin të kërkonin listat e hapura duke iu nënshtruar sistemit.

“Si parti të reja nuk i patët guximin t’i dilnit sistemit kundër, nuk e goditët sistemin aty ku u mbyll, te listat e mbyllura, por e rehatuat veten në listë të mbyllur…iu nënshtruat sistemit”, tha Jupi.

“Ju jeni një model i provuar tashmë, mos u bëni qesharakë. E bletë një parti kur e patë që humbët vulën, hytë në zgjedhje me parti të blerë. Nuk patët as guxim të mblidhnit vota për partinë, ne nuk e blemë partinë apo vulën”, iu përgjigj Kapri.