Kryeministri kanadez, Carney: Marrëdhënia e vjetër me SHBA-në ka përfunduar

Kryeministri kanadez Mark Carney deklaroi se epoka e integrimit të thelluar ekonomik dhe bashkëpunimit të ngushtë me Shtetet e Bashkuara ka marrë fund.

Duke folur pas një takimi të kabinetit në Otava, ai theksoi se Kanadaja duhet të “riimagjinojë rrënjësisht ekonominë e saj” si përgjigje ndaj tarifave të vendosura nga presidenti amerikan Donald Trump.

Trump njoftoi se do të vendosë një tarifë 25% për automjetet e importuara dhe pjesët e tyre, duke e cilësuar këtë masë si të përhershme. Carney e quajti këtë lëvizje fundin e marrëveshjes së vjetër tregtare mes dy vendeve dhe paralajmëroi hakmarrje tregtare.

Kanadaja do të zbatojë tarifa hakmarrëse që synojnë të kenë “ndikim maksimal” në SHBA. Aktualisht, Uashingtoni ka vendosur një tarifë prej 25% për aluminin dhe çelikun kanadez, ndërsa Kanadaja është kundërpërgjigjur me tarifa në vlerë prej rreth 60 miliardë dollarë kanadezë.

Tarifat e reja për makinat pritet të hyjnë në fuqi më 2 prill, ndërsa ato për pjesët e automjeteve do të fillojnë në maj ose më vonë. Carney ka ndryshuar planet e tij të fushatës për të trajtuar krizën e re tregtare, ndërsa mbetet për t’u parë se si do të zhvillohen marrëdhëniet ekonomike mes dy vendeve në të ardhmen.

LEXONI GJITHASHTU:

• Marta Kos: Shqipëria mbyll negociatat me Bashkimin Evropian në 2027-ën
• Tarifat 25% të makinave të Trumpit, Kryeministri kanadez: Sulm i drejtpërdrejtë