Pamjet/ Avioni bombardues rus rrëzohet në Siberi, 1 i vdekur dhe 3 të mbijetuar

Një avion bombardues rus Tu-22M3 u rrëzua në Irkutsk të Siberisë për shkak të një mosfunksionimi teknik, njoftuan të mërkurën agjencitë ruse të lajmeve.

Në njoftimin e tyre thuhet se avioni u rrëzua në një zonë të shkretë dhe se katër anëtarë të ekuipazhit u hodhën me parashutë.

Njëri prej tyre konfirmohet të ketë vdekur ndërsa tre të tjerët kanë shpëtuar dhe janë nën mbikëqyrje mjekësore, tha për TASS guvernatori Igor Kobzev.

“Pilotët e mbijetuar janë nën kujdesin e mjekëve”, tha ai.

“Ekipi i kërkim-shpëtimit që mbërriti në vend po evakuon ekuipazhin në bazën e tij. Shërbimet e Ministrisë së Situatave të Emergjencave po punojnë gjithashtu në vend,” shkroi guvernatori në Telegram.

Rrëzimi i bombarduesit rus dyshohet se erdh për shkak të një problemi mekanik.

Më poshtë pamje nga fluturimi i avionëve bombardues me rreze të gjatë Tu-22m3 të Forcave Ajrore Ruse kryen mbi ujërat neutrale të Detit Baltik.

Shoqërimi ajror u sigurua nga avionët Su-30sm dhe Su-27 të Forcave Ajrore Ruse.

Kohëzgjatja e fluturimit ishte më shumë se 4 orë. Në faza të caktuara të rrugës, bombarduesit me rreze të gjatë u shoqëruan nga avionë luftarakë nga vendet e huaja.

Të gjitha fluturimet e avionëve të Forcave Ajrore Ruse kryhen në përputhje të rreptë me rregullat ndërkombëtare për përdorimin e hapësirës ajrore.

LEXONI GJITHASHTU:

• Lavrov: Takimi i dytë i normalizimit Rusi-SHBA do të zhvillohet në Stamboll
• Dmitriev: Rusia ka filluar bisedimet për metalet e rralla me SHBA-në