Berat| Qarkullonte me armë të ftohta në makinë, arrestohet 31-vjeçari

Një 31-vjeçar është arrestuar nga Policia e Beratit, pasi u kap duke qarkulluar me armë të ftohta në automjetin e tij.

Në kuadër të kontrolleve për parandalimin e armëmbajtjes pa leje, shërbimet e Komisariatit të Policisë Berat ndaluan një automjet në aksin Berat-Dimal, me drejtues shtetasin me iniciale M. R., banues në fshatin Osmëzezë.

Gjatë kontrollit të mjetit, në bagazh u gjetën 2 thika, të cilat u sekuestruan si prova materiale.

Në përfundim të veprimeve, 31-vjeçari u arrestua, ndërsa ndaj tij rëndon akuza për “Prodhim, mbajtje apo shitje pa leje e armëve të ftohta”.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Berat, për veprime të mëtejshme.

LEXONI GJITHASHTU:

• Flet dëshmitari i atentatit në Tiranë, merret në pyetje gruaja e Roan Brahimit
• VIDEO| Vrasje mafioze në Athinë, 42-vjeçari ekzekutohet teksa ishte live