Presidenti i El Salvadorit propozon një shkëmbim të burgosurish me Venezuelën

Presidenti i Salvadorit Najib Bukele ka propozuar që vendi të bëjë një shkëmbim të burgosurish me Venezuelën, duke sugjeruar se do të shkëmbejë të burgosurit venezuelianë të dëbuar nga Shtetet e Bashkuara, të cilët mbahen nga qeveria e tij, për ata që ai i quajti “të burgosur politikë” në Venezuelë.

Në një postim në platformën “X” drejtuar presidentit të Venezuelës, Nicolás Maduro, Najib Bukele renditi shumë anëtarë të familjeve të figurave të larta të opozitës në Venezuelë, gazetarë dhe aktivistë që u arrestuan gjatë vitit të kaluar.

“Arsyeja e vetme që ata janë burgosur është sepse ata ju kundërshtuan juve dhe mashtrimin tuaj elektoral. Megjithatë, unë dua të propozoj një marrëveshje humanitare që përfshin riatdhesimin e 100 për qind, të 252 venezuelianëve që u deportuan (nga SHBA), në këmbim të lirimit dhe dorëzimit të një numri identik (252 të burgosur) nga një mijë të burgosur politikë”, tha ai.

Midis atyre që ai emëroi në këtë post ishin dhëndri i ish-kandidatit presidencial të Venezuelës Edmundo Gonzalez, liderë të shumtë politikë që kërkonin azil në ambasadën argjentinase në Venezuelë dhe, tha ai, 50 shtetas të arrestuar nga një sërë vendesh të ndryshme anembanë botës.

LEXONI GJITHASHTU:

• El Salvadori i gatshëm të pranojë të dëbuarit e kriminelët nga SHBA në burgjet e tij
• Sulmi izraelit në kampin e Gazës: Katër të vdekur dhe 15 të plagosur