Rritja e D-dimerit dhe shenjat e sëmundjeve që mund të fshihen pas tij

Pandemia e Covid-19 ka evidentuar rëndësinë e matjes së D-dimerit, një produkt i fibrinolizës që bëhet i dukshëm në gjak kur pacienti ka kaluar një trompozë.

Pas mbarimit të pandemisë, shumë pacientë vazhdojnë të kërkojnë të masin D-dimerin, shpesh pa pasur nevojë për këtë analizë.

Mjeku reumatolog, Ervin Rapushi, shpjegon në një intervistë për Euronews Albania rreth rasteve kur D-dimeri rritet.

“Normalisht, D-dimeri rritet në të gjitha infeksionet virale, në pneumoni bakteriale, në sëmundje autoimune dhe te pacientët me kancer. Rritja e tij mund të tregojë se kemi bërë një mikrotrompozë, një trompozë të mirëfilltë, apo mund të jetë një shenjë e inflamacionit në trup. COVID-19 e bëri këtë më të dukshëm,” thotë mjeku Rapushi.

Ekspertët theksojnë se nuk ka një rrezik të përgjithshëm për të gjithë individët dhe se analiza e D-dimerit kërkohet vetëm nga mjeku.

“Rritja e D-dimerit nuk është një shqetësim për çdo individ, përveç atyre që kanë çrregullime të koagulimit të gjakut apo faktorë të tjerë rreziku. Për ata që vuajnë nga pneumoni bakteriale apo sëmundje autoimune, matja e D-dimerit duhet të bëhet rregullisht,” thekson mjeku Rapushi.

Ai gjithashtu thekson se interpretimi i D-dimerit duhet të bëhet gjithmonë nga një mjek specialist, pasi vetëm ai mund të përcaktojë nëse rritja e tij përbën rrezik real apo është thjesht pasojë e një gjendjeje kalimtare.

LEXONI GJITHASHTU:

• Mungesë mjekësh në zonat rurale, numri i infermierëve u pakësua në 2022 me 23%
• Vdekja e 3-vjeçarit në Shkodër, analiza e mjekut ligjor: Nuk ka shumë elementë që…