Dyshohej se po komplotonin për sulm, arrestohen në Angli disa iranian

Policia Metropolitane konfirmoi të dielën se oficerët britanikë të antiterrorizmit kanë arrestuar disa burra iranianë lidhur me një plan të dyshuar për të nisur një sulm në një vend të paidentifikuar në Londër.

Arrestimet u kryen të shtunën në pjesë të ndryshme të Anglisë, me pesë burra të moshës 29 deri në 46 vjeç të arrestuar nën dyshimin për përgatitjen e “një akti terrorist”.

Katër nga të ndaluarit janë shtetas iranianë, ndërsa përpjekjet për të konfirmuar identitetin dhe kombësinë e personit të pestë janë ende në vazhdim.

Të pestë po merren në pyetje aktualisht në stacionet e policisë dhe nuk janë akuzuar zyrtarisht. Hetuesit po kryejnë gjithashtu kërkime në adresa në Londër, Mançester dhe Swindon.

LEXONI GJITHASHTU:

• Shpërthen bombola e gazit, plagosen rëndë 2 të rinj shqiptarë në Angli
• U përfshi në incidentin e dhunshëm, reagon deputeti i PD: E vërteta u transformua