Dy javë pas zgjedhjeve, kryeministri i Izraelit do të përballet me akuzat 

Është i pari kryeministër izraelit i akuzuar për korrupsion. Edhe pse ai ka mohuar të tre akuzat e ngritura kundër tij për korrupsion gjyqi kundër Netanyahut, do të fillojë me 17 mars.

Gjykimi do të nisë dy javë pasi Izraeli do të zhvillojë zgjedhjet e treta kombëtare në më pak se një vit.

Krahas betejës ligjore kryeministri izraelit, Benjamin Netanjahu në rolin e kryetarit të Partisë Likud shpreson të fitojë një mandat të ri.

Në një deklaratë, Ministria  e Drejtësisë u shpreh se Netanyahu, është udhëheqësi që ka qëndruar më gjatë në këtë detyrë dhe me 17 mars ai do të paraqitet në Gjykatën e Qarkut në Jerusalem për seancën e parë për të dëgjuar aktakuzat kundër tij.

Kryeministri ka mohuar  shkelje ligjore që  u paraqitën zyrtarisht në gjykatë tre javë më parë. Ai akuzohet  për ryshfet, shkelje të besimit dhe mashtrim.

Netanyahu, 70 vjeçar, dyshohet se ka pranuar dhurata me vlerë 264,000 dollarë, për të cilat prokurorët thanë se përfshinin cigare dhe shampanjë nga  biznesmenë të fuqishëm në këmbim të ndereve personale.  Nëse shpallet fajtor për ryshfet ai mund të dënohet me 10 vjet burg ose tre vjet burg nëse dënohet për mashtrim dhe shkelje të besimit.