FOTO| Zgjidhet Papa i ri, atmosferë gëzimi në Sheshin e Shën Pjetrit

Kambanat e Bazilikës së Shën Pjetrit kanë rënë në të gjithë Qytetin e Vatikanit, duke konfirmuar atë që bota ka pritur me padurim: është zgjedhur një Papë i ri i cili për herë të parë është amerikan.

Kardinali Robert Francis Prevost i Shteteve të Bashkuara është zgjedhur papa i 267-të, ai doli për herë të parë në ballkonin e Bazilikës së Shën Pjetrit si udhëheqësi i ri i 1.4 miliardë katolikëve të botës.

Prevost, 69 vjeç, nga Çikago, Illinois, është Papa i parë ndonjëherë nga Shtetet e Bashkuara. Ai do të njihet si Leo XIV.

Një udhëheqës me përvojë globale, ai e kaloi pjesën më të madhe të karrierës së tij si misionar në Amerikën e Jugut dhe së fundmi drejtoi një zyrë të fuqishme në Vatikan për emërimet e peshkopëve. Pritet që ai të vazhdojë të mbështetet në reformat e Papa Françeskut. Në fjalën e parë e mbajtur prej tij, Papa Leo XIV bëri thirrje për paqe,

Ai punoi për një dekadë në Trujillo të Perusë, dhe më vonë u emërua peshkop i Chiclayo-s, një qytet tjetër peruan, ku shërbeu nga viti 2014 deri në vitin 2023. Prevost gjithashtu mban një pasaportë peruane dhe ka qenë shtetas peruan që nga viti 2015.

Në një intervistë për Vatican News, pak pasi u bë udhëheqës i Dikasterit për Ipeshkvijtë, Prevost tha: “Unë ende e konsideroj veten misionar. Thirrja ime, si ajo e çdo të krishteri, është të jem misionar, të shpall Ungjillin kudo që të jesh.”

LEXONI GJITHASHTU:

• Profil/ Kush është Robert Prevost, Papa i parë amerikan
• Trump “vishet” si Papa/ Eksperti: Ai sundon botën, nuk i duhet froni i Papës