Fotografoi fletën e votimit, arrestohet 56-vjeçarja në Tiranë

Një grua është arrestuar nga efektivët e komisariatit nr. 1 në kryeqytet pasi kishte fotografuar votën. Policia tha se shtetësja Alketa Hasani, 56 vjeçe pasi kishte votuar në shkollën Ali Demi kishte fotografuar votën dhe më pas ishte larguar.

Pa identifikimit policia arrestoi në flagrancë 56 vjeçaren, banuese në Tiranë, për veprën penale “Shkelja e fshehtësisë së votimit”.

Ndërkohë shërbimet e Policisë të Komisariateve Nr. 3 dhe Nr. 4, kanë shoqëruar dy shtetas, pasi dyshohet se kanë fotografuar fletën e votimit. Aktualisht, ndaj tyre po kryhen veprimet hetimore dhe procedurale nën drejtimin e Prokurorisë. Në përfundim të veprimeve do ju informojmë më tej.