Përfundon numërimi i votave në Kukës, si bëhet ndarja e mandateve

Ka përfunduar procesi i numërimit të votave në qarkun e Kukësit, ku Koalicioni Partia Demokratike – Aleanca për Shqipërinë Madhështore ka dalë forcë e parë me një fitore të theksuar. Sipas rezultateve përfundimtare, PD-ASHM ka siguruar 18,934 vota, që përbëjnë 52.95% të totalit të votave të vlefshme në këtë qark, duke marrë kështu dy nga tre mandatet e disponueshme.

Në vend të dytë renditet Partia Socialiste me 10,970 vota, që përbëjnë 30.68% të votave. PS arrin të marrë vetëm një mandat në këtë qark, duke konfirmuar një prani të qëndrueshme, por pa mundur të rivalizojë me fitoren e opozitës.

Megjithëse Partia Socialdemokrate (PSD) ka arritur një rezultat mjaft të mirë në Kukës, me 5,061 vota ose 14.15% të totalit, kjo nuk ka qenë e mjaftueshme për të siguruar një mandat. Sistemi zgjedhor dhe shpërndarja rajonale e mandateve penalizojnë partitë më të vogla edhe kur ato kalojnë pragun kombëtar, veçanërisht në qarqe të vegjël me pak mandate.

Partitë e tjera kanë marrë një rezultat simbolik, ku asnjëra prej tyre nuk arrin të kalojë 1% të votave. Ndër to, Lëvizja Bashkë ka marrë 109 vota (0.30%), Partia Mundësia 241 vota (0.67%) dhe Koalicioni Nisma Shqipëria Bëhet 227 vota (0.63%).

LEXONI GJITHASHTU:

• Vota e kandidatëve në Vorë: Nga PS kryeson bindshën Gonxhja, nga PD Murrizi
• Përfundon numërimi i votave në bashkinë e Tropojës, PD shënon një fitore bindëse