Cilat janë marrëveshjet e arritura mes Bashkimit Evropian dhe Britanisë

Bashkimi Evropian dhe Mbretëria e Bashkuar njoftuan të hënën arritjen e një seri marrëveshjeve, që përfshijnë tregtimin e produkteve ushqimore, peshkimin dhe aksesin e qytetarëve britanikë në kufijtë evropianë.

Në reagimin e saj, qeveria britanike deklaroi se radhët për kontrollin kufitar të qytetarëve britanikë në Evropë do të marrin fund, edhe pse akordi i arritur mbi këtë çështje ka detaje të tjera që duhet të bëhen publike.

Sa i takon peshkimit, një pakt 12-vjecar mes dy partnerëve u lejon varkave evropiane akses në ujërat e Mbretërisë së Bashkuar deri në 2038-n.

Në këmbim, Britania do të përfitojë reduktimin e kontrolleve të ushqimeve dhe pijeve në bllok, duke e pasur më të lehtë eksportin e produkteve të saj në kontinentin e vjetër.

Gjithashtu, një akord mbi sigurinë dhe mbrojtjen do t’i hapë rrugën industrisë ushtarake britanike që t’i bashkohet projektit të ri të BE-së, Fondi Evropian për Sigurinë dhe Veprimin, me vlerë 150 miliardë euro.

Dy palët kanë rënë dakord edhe për të bashkëpunuar në skemën e shkëmbimit të eksperiencave për të rinjtë.

Kjo do të thotë se moshat e reja do të mund të udhëtojnë dhe punojnë lirshëm në dy blloqet.

Me këto marrëveshje, BE dhe Mbretëria e Bashkuar kanë tejkaluar mëritë që pasuan Brexit, edhe pse kundërshtimet nuk kanë munguar.

LEXONI GJITHASHTU:

• Telefonata Trump-Putin: Në fokus fundi i gjakderdhjes në Ukrainë
• Macron thirrje Trumpit nga Tirana: Duhet presion ndaj Putinit, po tregohet cinik