“Gaza po përjeton vdekje të tmerrshme”, kreu i OKB thirrje Izraelit: Lejo ndihmat

Kreu i OKB-së i ka kërkuar Izraelit të lejojë më shumë ndihma në Gaza për të lehtësuar vuajtjet e dy milionë njerëzve në enklavën e rrethuar.

“E gjithë ndihma e autorizuar deri më tani arrin në një lugë çaji ndihmë kur kërkohet një vërshim i madh ndihme”, tha sekretari i përgjithshëm i OKB-së, Antonio Guterres.

“Nevojat janë të mëdha dhe pengesat janë marramendëse. Po vendosen kuota të rrepta, ndalime të furnizimeve kryesore dhe procedura të panevojshme vonesash”, thotë ai.

“Ndërkohë, ofensiva ushtarake izraelite po intensifikohet me nivele të tmerrshme vdekjesh dhe shkatërrimesh. Katër të pestat e territorit të Gazës janë një zonë e ndaluar për popullin e Gazës”, shtoi Guterres.

Ai bën thirrje për një armëpushim të përhershëm, lirimin e menjëhershëm të pengjeve dhe akses të plotë humanitar.