Rriten kërkesat për arsimin profesional, kryeson qyteti i Korçës

Ky është Donald Piperi i cili për disa vite ka punuar si emigrant në Norvegji dhe Hungari, aty ku ka bërë më shumë se një punë për të përballuar jetesën.

Në kushte të vështira në emigrim, ai vendosi të rikthehet në Korçë, aty ku tashmë ka dhe një biznes të vogël privat.

“Atje ku po jetoja nuk po fitoja të ardhurat e duhura. Unë arrita bëra e kursin, thashë do e provoj do kthehem, kam e shokët që janë kthyer, ata me shtynë. Hapa biznesin, po ecën mirë. Mendoj se vendi jot është më i miri, në darkë shkon në familje. Unë bëra dy punë, ndërtim dhe berberanë sepse nuk më dilte, plus qera të shtrenjta, nuk po rrija dot. Besoj se akoma më mirë do bëhet por me pak sakrificë arrihet, në vendin tënd flet shqip”, Donald Piperi.

Gjatë viteve të fundit sipas drejtoreshës së formimit profesional në Korçë, Adela Myteberi, është shtuar numri i të rinjve përfshi dhe ato të kthyer nga emigracioni të cilët kërkojnë një formim profesional pranë kësaj qendre.

“Interesi ka ardhur në rritje, ka patur shumë të rinj që kanë përfunduar arsimin e lartë që kanë ardhur në arsimi profesional por kemi e të rinj që janë kthyer nga emigrimi dhe kërkojnë të marrin nje zanat. Aktualisht profesionet me të kërkuara janë kursi i kuzhinës, kursi i elektrikut, berber gjithashtu dhe kursi parukeri”, tha Myteberi.

Gjatë këtyre viteve ka patur një interes të shtuar edhe për shkollat profesionale në qarkun e Korçës duke u orientuar më shumë drejt tregut të punës.

LEXONI GJITHASHTU:

• Raporti i OBSH, ekspertët: Teknologjia po dëmton fëmijët, merrni masa urgjente
• Gramsh/ Fëmija helmohet nga ushqimi i kopshtit, dyshohet për prani salmonele