Skuadrat shqiptare dominojnë futbollin në RMV, Shkëndija kampion, Shkupi në Conference League

Tre skuadra shqiptare kryesojnë tabelën në Ligën e Futbollit të Maqedonisë së Veriut. Shkëndija e Tetovës tashmë para dy javësh ka siguruar titullin e katërt kampion.

Skuadra tetovare e udhëhequr nga trajneri Ernest Gjoka pa konkurrencë ka ruajtur kreun e renditjes në pjesën më të madhe të sezonit.Ndërkohë skuadra tjetër shqiptare, Shkupi ka siguruar pjesëmarrje në garat evropiane për të katërtin vit radhazi.

Kryeqytetasit si nënkampion do të luajnë kualifikimet për Conference League.

Befasia e sezonit është Struga, e cila në vitin e dytë pas ngjitjes në kategorinë më të mirë të futbollit, është vetëm një fitore larg Evropës. Struganët mundën dje Vardarin 1:0, duke çuar kampionët e shumëfishtë edhe zyrtarisht në ligën e dytë.

Tashmë me 2 pikë diferencë ndaj vendit të 4, Strugës i duhet rezultat pozitiv në ndeshjen e fundit ndaj Sileksit për tu bërë ekipi i tretë shqiptar që prezanton Maqedoninë e Veriut në garat evropiane.

Skuadra e katërt shqiptare, Renova do të duhet të luaj balotazh për të siguruar mbijetesën në ligën më të fortë.

Java e fundit në futbollin elitar të Maqedonisë së Veriut zhvillohet më 16 maj.

LEXONI GJITHASHTU:

• Lewis Hamilton kërkon që zgjatja e kontratës me Mercedesin të mos vonojë si vitin e shkuar
• Champions League, UEFA shqyrton mundësinë për të zhvendosur finalen nga Stambolli në Londër
• Dinamo rikthehet në Superiore, skuadra kryeqytetase ngjitet në elitë pas 9 vitesh mungesë
• Milan “shuplakë” Juventusit, bardhezinjtë munden 3-0 dhe rrezikojnë pjesëmarrjen në Champions