Vriten dy skocezë në një lokal në Spanjë, sulmi kur po luhej finalja e Champions

Dy shtetas nga Skocia humbën jetën pas një sulmi me armë zjarri në një bar në qytetin bregdetar të Fuengirolës, në jug të Spanjës, mbrëmjen e së shtunës, ndërsa po transmetohej finalja e Ligës së Kampionëve.

Sipas autoriteteve spanjolle, një person i armatosur ka qëlluar disa herë në drejtim të lokalit “Monaghans”, një bar i njohur në zonën turistike të Andaluzisë.

Sulmi ndodhi në një moment kur ambienti ishte i mbushur me klientë që ndiqnin ndeshjen finale të Champions League.

Përfaqësuesi i qeverisë qendrore në provincën e Malagës, Javier Salas, konfirmoi për BBC se viktimat dyshohet të jenë shtetas britanikë nga Skocia.

Ata u shpallën të vdekur në vendin e ngjarjes.

Autori i dyshuar është larguar menjëherë pas ngjarjes, duke shkaktuar panik mes të pranishmëve.

Policia spanjolle ka nisur një hetim për zbardhjen e plotë të rrethanave dhe identifikimin e autorit.

⚠️ Nuevo tiroteo en la provincia de Málaga, esta vez en Fuengirola.

¿A qué esperan PP y PSOE para aumentar la presencia de nuestras FCSE en los municipios de la Costa del Sol?

¡Desde VOX llevamos semanas reclamando medidas urgentes para acabar con los tiroteos! pic.twitter.com/wucOjIVL1n

— VOX Málaga (@vox_malaga) May 31, 2025

LEXONI GJITHASHTU:

• PSG turpëron Interin në Mynih, triumfon 5-0 në finalen e Champions League