“Dërgoni më shumë trupa të NATO-s për të na mbrojtur nga Rusia”, kërkesa e presidentit rumun për Biden

Presidenti i Rumanisë, Klaus Iohannis është lutur për një prani më të madhe ushtarake të SHBA nga Balltiku në Detin e Zi, për të mbrojtur sipas tij vendet e Evropës Lindore nga Rusia e Vladimir Putinit.

Të hënën ai i tha presidentit Joe Biden se më shumë trupa të NATO-s janë të nevojshme në krahun lindor të Evropës pas një ndërtimi të një baze ushtarake nga Rusia në kufirin e saj me Ukrainën.

“NATO duhet të vazhdojë të forcojë pozicionin e saj të parandalimit dhe mbrojtjes, veçanërisht në krahun lindor, në një mënyrë të unifikuar dhe koherente, nga Deti Baltik në Detin e Zi”, tha ai.

Komentet e tij erdhën në një konferencë të Bukureshtit, kush ishin prezentë diplomatë nga Rumania, Polonia, Hungaria, Bullgaria, Republika Çeke, Sllovakia, Estonia, Letonia dhe Lituania – të cilat kane qenë  të gjitha ose pjesë e Bashkimit Sovjetik ose të kontrolluara nga Moska gjatë Luftës së Ftohtë.

Tani, këto vende janë anëtarë të Bashkimit Europian dhe NATO-s.

Duke folur për pozicionimin e kohëve të fundit të trupave ruse pranë Ukrainës – përfshirë në Krime, të cilën Rusia e aneksoi në 2014, presidenti polak Andrzej Duda tha se ishte i lehtësuar që Rusia kishte tërhequr shumë prej forcave.

Lexoni gjithashtu:

Rusia arreston diplomatin ukrainas, akuzohet për marrje të “informacioneve sekrete’

Përse Rusia mori vendimin të tërheqë ushtrinë në kufirin me Ukrainën?

Tërhiqet Rusia, Moska kthen në bazë trupat ruse në kufi me Ukrainën