Tentoi të vriste kolegun e tij, kirurgu plastik burgoset për jetë në Angli

Jonathan Peter Brooks, 61 vjeç, i hodhi benzinë ​​dyshemesë së shtëpisë së Graeme Perks përpara se ta godiste me thikë në bark dhe t’i shkaktonte një lëndim kërcënues për jetën.

Një kirurg plastik në Angli është dënuar me burgim të përjetshëm për tentativën e vrasjes së një kolegu, të cilin e goditi me thikë pasi u përpoq t’i vinte flakën shtëpisë së tij.

Jonathan Peter Brooks, 61 vjeç, hyri me forcë në shtëpinë e Graeme Perks në Nottinghamshire në orët e para të 14 janarit 2021, i veshur me veshje kamuflazh dhe duke mbajtur me vete një levë, kanaçe me benzinë, shkrepëse dhe një thikë.

Brooks e spërkati katin përdhes të shtëpisë me benzinë, por u ndërpre nga Perks, 65 vjeç, përpara se t’i vinte flakën. Kirurgu e goditi me thikë në bark kolegun e tij që sapo kishte dalë në pension, duke i shkaktuar lëndime që i rrezikonin jetën.

Brooks kishte qenë subjekt i çështjeve disiplinore në punë dhe ishte e qartë se ai mbante mëri ndaj Perks për përfshirjen e tij në proces.

LEXONI GJITHASHTU:

• Iu zgjatën hetimet me 6 muaj, Ilir Meta reagon nga burgu: Do dal më i fortë
• Plagosi me armë fqinjët ditën e Kurban Bajramit, Gjykata lë në burg 56-vjeçarin