Gaza në “errësirë” dixhitale: Izraeli ndërpret internetin dhe valët telefonike

12 Qershor 2025 | 13:51

Shërbimet e internetit dhe valët e telefonëve janë ndërprerë plotësisht në të gjithë Rripin e Gazës për të dytën ditë radhazi, pas goditjeve izraelite ndaj infrastrukturës së telekomunikacionit. Lajmi është konfirmuar nga Autoriteti Rregullator i Telekomunikacionit Palestinez, i cili akuzon Izraelin për një “shënjestrim sistematik” të rrjeteve kritike të komunikimit.

Sipas autoritetit palestinez, tashmë edhe zonat jugore dhe qendrore të Gazës i janë bashkuar rajoneve veriore dhe Qytetit të Gazës në një ndërprerje totale të komunikimit.

“Izolimi dixhital i Gazës është thelluar ndjeshëm,” thuhet në deklaratën zyrtare, ku theksohet se rrjetet me fibra optike dhe nyjet kryesore të telekomunikacionit janë qëllimisht goditur.

Autoriteti paralajmëron se ndërprerja e komunikimeve përbën rrezik serioz për ndërprerjen e aksesit në ndihmën emergjente, kujdesin shëndetësor, informacionin mediatik dhe arsimin. Sipas tij, Gaza po shkon drejt një izolimi total nga pjesa tjetër e botës.

Ndërkohë, ofensiva izraelite në Gaza ka vijuar me intensitet që prej tetorit 2023, duke shkaktuar mbi 55.100 viktima palestineze. Thirrjet ndërkombëtare për armëpushim janë refuzuar nga autoritetet izraelite.

Në nëntor, Gjykata Ndërkombëtare Penale lëshoi urdhër-arreste për kryeministrin izraelit Benjamin Netanyahu dhe ish-ministrin e Mbrojtjes Yoav Gallant për krime lufte dhe krime kundër njerëzimit. Ndërkohë, Izraeli përballet edhe me një proces për gjenocid në Gjykatën Ndërkombëtare të Drejtësisë, në lidhje me veprimet ushtarake në enklavën e rrethuar.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026