Irani nxjerr shifrat zyrtare: 430 të vrarë dhe 3500 të plagosur nga sulmet izraelite

Irani njofton se që nga fillimi i konfliktit më 13 qershor janë vrarë të paktën 430 persona dhe janë plagosur 3,500 të tjerë, sipas Ministrisë së Shëndetësisë, transmeton agjencia Nour.

Ky është përditësimi i parë zyrtar mbi numrin e viktimave në Iran pas disa ditësh heshtjeje. Më parë, ministria kishte raportuar për 224 të vrarë, ndërsa një organizatë e të drejtave të njeriut kishte dhënë një shifër jozyrtare prej 657 viktimash.

Ndërsa Izraeli u godit gjithashtu nga një raund i ri sulmesh iraniane të premten, me ushtrinë izraelite që raportoi një sulm me 20 raketa që synonin Haifën.

Një grua izraelite vdiq nga një atak në zemër, duke e çuar në 25 numrin e të vdekurve në Izrael që nga fillimi i konfliktit.

Forcat Mbrojtëse të Izraelit thanë se kishin sulmuar vendet e magazinimit dhe lëshimit të raketave balistike në Iranin perëndimor.

Gjatë javës së kaluar, sulmet ajrore izraelite kanë shkatërruar objekte dhe armë ushtarake iraniane, si dhe kanë vrarë komandantë të lartë ushtarakë dhe shkencëtarë bërthamorë.

LEXONI GJITHASHTU:

• Iran-Izrael shkëmbejnë sulme të reja, centrali bërthamor i Isfahan në shënjestër
• Putin: Moska mbështet programin bërthamor të Iranit, por jo për qëllime ushtarake