Britania përgatit një fluturim për të transportuar qytetarët e saj jashtë Izraelit

Mbretëria e Bashkuar po përgatit një fluturim për të transportuar shtetasit britanikë dhe personat në varësi të tyre nga Izraeli dhe territoret e pushtuara palestineze në fillim të javës së ardhshme.

Ata kanë nisur një formular regjistrimi për shtetasit britanikë që të regjistrojnë interesin e tyre dhe fluturimet e mëtejshme do të merren në konsideratë “në varësi të kërkesës”, thuhet në një deklaratë të Ministrisë së Jashtme.

Në një deklaratë, Ministria e Jashtme thotë se ata që kanë të drejtë të hipin në fluturim do të duhet të paguajnë për vendin e tyre, gjë që ata thonë se është “në përputhje me qasjen tonë ndaj fluturimeve të mëparshme me çarter nga rajoni”.

“Fluturimet komerciale vazhdojnë të operojnë nga Egjipti dhe Jordania, dhe kalimet kufitare ndërkombëtare tokësore për në këto vende mbeten të hapura”, shtohet në deklaratë.

Të gjithë shtetasit britanikë që janë regjistruar tashmë nëpërmjet Regjistro Praninë Tënde,  do të kontaktohet automatikisht dhe do t’i jepet një lidhje për në portalin e rezervimeve, thotë FCDO, por u bën thirrje të gjithë atyre që janë të interesuar për fluturime për në Mbretërinë e Bashkuar të regjistrojnë praninë e tyre tani.

“Ky është një moment i rrezikshëm dhe i paqëndrueshëm për Lindjen e Mesme”, thotë një zëdhënës i Ministrisë së Jashtme, përpara se të shtojë se aftësia e qeverisë për të drejtuar fluturime nga Izraeli mund të ndryshojë me një njoftim të shkurtër.