Për herë të parë Italia zgjedh një grua në krye të shërbimit sekret

Kryeministri italian Mario Draghi ka caktuar diplomaten Elisabetta Belloni si Drejtoren e Përgjithshme të Departamentit të Informacioneve mbi Sigurinë.

Kjo është hera e parë që një grua mbërrin në një post kaq të lartë të shërbimeve të inteligjencës në Itali.

Belloni vjen me një eksperiencë të madhe në frontin e emergjencave ndërkombëtare.

Për vite më radhë ajo ka shërbyer si shefe e departamentit të krizave në Ministrinë e Jashtme të Italisë duke punuar krah më krah me agjentët sekretë për lirimin e pengjeve italianë në Irak, por edhe si pikë referimi për familjet e tyre.

Tashmë ajo do të koordinojë dy agjencitë operative të shërbimeve sekrete.