Vrasja e Mehmet Qemës, Prokuroria kërkon “arrest me burg” për mikun e tij

Për vrasjen Mehmet Qemës mbrëmjen e të martës, Prokuroria e Tiranës i kërkoi gjykatës që të caktojë masën “arrest me burg” për Marius Demën me akuzën e “vrasjes me dashje” dhe “armëmbajtjes pa leje”.

Arma e sekuestruar tip pistolete është dërguar në laboratorin e policisë për t’u ekzaminuar nëse është përdorur apo jo në krime të tjera.

Ndërkohë për 4 shokët e tij prokuroria po kryen ende hetime për të zbuluar veprimet e tyre në fshehjen e krimit dhe manipulimin e vendngjarjes.

Dosja nuk ka shkuar ende në gjykatë dhe prokurori i çështjes është duke kryer veprimet dhe pritet që brenda ditës së sotme ta çojë atë në gjykatë, ku nesër pritet të mbahet edhe seanca për caktimin e masës së sigurisë ndaj tyre.

Vrasja e Mehmet Qemës ndodhi mbrëmjen e 10 majit në lagjen “5 Maji” në Tiranë.

I riu u qëllua me pistoletë nga miku i tij, Marius Dema dhe humbi jetën në spital ku qe transportuar pas plagëve të marra.

Autori u dorëzua një ditë më vonë në Polici bashkë me shokun e tij Frenkli Myftari, 27-vjeç.

Ndërkohë për këtë ngjarje janë shpallur në kërkim Erlin Peka, 27-vjeç, Blerim Hoti, 28-vjeç, Braild Aga, 23-vjeç dhe Xhuliano Koçi, 19-vjeç, për veprat penale “Moskallëzim krimi” dhe “Veprime që pengojnë zbulimin e së vërtetës”.

Lexoni gjithashtu:

Vrasja e 27-vjeçarit në Tiranë, vetëdorëzohet në Polici autori i dyshuar

Euronews Albania siguron pamjet pak minuta para vrasjes së 27-vjeçarit në Tiranë