Rritja e çmimit të biletës së transportit rrethqytetës, banorët e Shushicës protestë

Banorët e fshatit Shushicë në Elbasan kanë protestuar kundër rritjes së çmimit të biletës së transportit rrethqytetës.

Sipas tyre, kalimi i tarifës nga 50 në 100 lekë është i pajustifikueshëm për një distancë prej vetëm 7 kilometrash.

Nga ana tjetër, drejtuesit e mjeteve të licencuara që operojnë në këtë linjë, shprehen se po hasin vështirësi të mëdha financiare.

Ata pretendojnë se janë duke u konkurruar padrejtësisht nga taksitë e palicencuara dhe se rritja e çmimit është e nevojshme për të mbajtur linjën e transportit në funksion.

Euronews Albania kontaktoi Bashkinë e Elbasanit për të mësuar më shumë rreth situatës. Nga kjo bashki u garantua se nuk ka asnjë vendim për rritje të çmimit të biletës në linjën e Shushicës dhe se çdo ndryshim i tillë miratohet vetëm nga Këshilli Bashkiak.