Ishte në kërkim për plagosje të rëndë me dashje, arrestohet 17-vjeçari në Durrës

Policia e Durrësit ka arrestuar një 17-vjeçar të shpallur në kërkim për plagosje të rëndë me dashje.

Sipas njoftimit të policisë, si rezultat i operacionit të koduar “Wanted”, në lagjen nr. 8 të qytetit të Durrësit është lokalizuar dhe arrestuar shtetasi A.N., 17 vjeç, i cili dyshohet për veprën penale “Plagosje e rëndë me dashje”.

Gjykata e Shkallës së Parë të Juridiksionit të Përgjithshëm Durrës kishte caktuar ndaj tij masën e sigurisë “Arrest me burg”.

Shtetasi A.N. dyshohet se më datë 14.05.2025 ka plagosur rëndë me mjet prerës (thikë) shtetasin F.R.

Materialet procedurale janë kaluar në Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprime të mëtejshme.