EMRI/ Arrestohet në Kukës i dënuari me 11 vite e 6 muaj burg, për çfarë akuzohet

Një 28-vjeçar i dënuar me 11 vjet e 6 muaj burgim, për tentativë për trafikim të lëndëve narkotike dhe për mosbindje ndaj urdhrit të punonjësit të Policisë, është arrestuar nga policia e Kukësit në fshatin Shëmri.

Policia njofton se, në kuadër të operacionit “The Wanted”, u lokalizua dhe u kap 28-vjeçari Edison Dobrushi.

Sipas policisë, ky shtetas ishte shpallur në kërkim pasi Gjykata e Shkallës së Parë e Juridiksionit të Përgjithshëm Shkodër e ka dënuar me 11 vjet e 6 muaj burgim, për veprat penale “Trafikimi i lëndëve narkotike”, mbetur në tentativë, dhe “Mosbindja ndaj urdhrit të punonjësit të policisë”.

Veprimet e tjera procedurale për këtë shtetas do të kryhen nga strukturat e DVP Shkodër.

LEXONI GJITHASHTU:

• Rama konfirmon konfiskimin e pallatit në Vlorë, Bici: Objekti do i kalojë shtetit
• I nxehtë përvëlues deri në fund të muajit, çfarë paralajmëron sinoptikania