Rihapet muzeu parahistorik në Francë, lejohen sërish vizitat e shpellave antike

Mund të kthehemi sërish mbrapa në kohë duke vizituar shpellën parahistorike Lascaux në jug-perëndim të Francës. Pas gjashtë muaj mbyllur, muzeu në rajonin Dordogne do të hapet nga 19 maji. Sidoqoftë, muzeu shfaqi edhe një tur online, që tregonte kafshët, njerëzit dhe shenjat abstrakte.

“Ne menduam gjithashtu për një vizitë të re me pishtar. Mendoni si do të jetë të zbuloni shpellën në errësirë. Ju do të thoni se nuk shihni gjë, por pikërisht, sepse sikurse 20 mijë vjet më parë, do të jetë një pishtar që do të ndriçojë dhe do t’ju mrekullojë nga pikturat e bukura,” – tha drejtori i muzeut Franck Doucet.

Shpella u zbulua nga katër adoleshentë në vitin 1940, kur qeni i njërit prej tyre ra në një gropë.

Kompleksi nën tokë përmban rreth 6 mijë vizatime, të cilat u replikuan pasi veprat origjinale filluan të degradonin.

Rreth 20 grupe me nga 30 persona do të mund të vizitojnë muzeun nga java e ardhshme.