Arrestohen 3 shqiptarë në Britani, dyshohen për përdhunimin e një 28-vjeçareje

Tre shqiptarë në Britani janë arrestuar nën dyshimin se kanë përdhunuar një 28-vjeçare në një hotel në Split, raporton portali “Dalmatinski”.

Policia mori njoftimin dje, pak pas orës 7 të mëngjesit. Në vendngjarje u gjet njëri prej të dyshuarve, ndërsa dy të tjerët u identifikuan dhe u arrestuan menjëherë pas ngjarjes.

Pas përfundimit të hetimeve kriminale, policia konstatoi se ekziston dyshimi i bazuar se të tre, në mënyrë të përbashkët dhe të dakorduar, kanë kryer veprën e rëndë penale të përdhunimit ndaj një shtetaseje kroate.

Të dyshuarit janë marrë në pyetje në Prokurorinë Shtetërore dhe pritet të bëhet kërkesa për caktimin e paraburgimit.