Shpërthimi në një provincë të Sirisë/Rritet bilanci me 4 të vrarë e 116 të plagosur

Të paktën katër persona u vranë dhe 116 të tjerë u plagosën në një shpërthim pranë qytetit Maarat Misrin në provincën veriperëndimore Idlib të Sirisë, tha shërbimi për shtyp i Ministrisë së Shëndetësisë së republikës për agjencinë e lajmeve SANA.

Ministria vuri në dukje se këto shifra janë paraprake dhe numri i të vdekurve mund të rritet. Raportet e mëparshme tregonin për dy viktima dhe dhjetëra të plagosur.

Nga ana tjetër, kanali televiziv Al-Ikhbariya raportoi se numri i të vdekurve ishte rritur në gjashtë. Ekipet e shpëtimit po punojnë në vendin e shpërthimit, duke vazhduar kërkimin për trupa nën rrënoja. Shpërthimi ndodhi në një depo municionesh dhe shkaku i tij është duke u hetuar.

LEXONI GJITHASHTU:

• PAMJE/ Shpërthim i fuqishëm në Siri, dy të vdekur dhe mbi 70 të plagosur në Idlib
• Protestat në Ukrainë, Zelensky njofton projektligj të ri kundër korrupsionit