I shpallur në kërkim nga Spanja për “shtëpi bari”, arrestohet 39-vjeçari

Policia e Gjirokastrës ka arrestuar një person të akuzuar në Spanjë se ka kultivuar bimë narkotike, me llamba, në ambient të mbyllur.

Në kuadër të operacionit të koduar “The Wanted” u vu në pranga me qëllim ekstradimin shtetasi E. B., 39 vjeç.

Gjykata e Sabadell, Spanjë, në muajin qershor 2025, i ka caktuar masën e sigurisë “Arrest në burg”, për kultivim të bimëve narkotike dhe për vjedhje të energjisë elektrike, vepra për të cilat në Kodin Penal të Spanjës, maksimumi i dënimit është 6 vjet burgim.

Interpol Tirana vijon bashkëpunimin me homologët e Interpol Madridit, për të finalizuar procedurën për ekstradimin e këtij shtetasi, në Spanjë.

LEXONI GJITHASHTU:

• Nën masa të rrepta sigurie, ekstradohet nga Dubai Denis Bajri
• EMRI/ Ekstradohet nga Spanja 25-vjeçari nga Kukësi, për çfarë akuzohet i riu