Thirrje për paqe, Papa: Fund zhurmës së armëve, ndiqni shtegun e paqes

Papa Françesku bëri thirrje të dielën për t’i dhwnw fund konfliktit në Izrael dhe Gaza, duke deklaruar se vdekja e kaq shumë njerëzve në fare pak ditë është e papranueshme.

“Bëj thirrje për qetësi dhe për ata që janë përgjegjës t’i japin fund zhurmës së armëve dhe të ndjekin shtegun e paqes,” – tha Papa në fjalimin e përjavshëm para sheshit Shën Pjetër.

Ati i Shenjtë ka theksuar se njerëz të pafajshëm kanë humbur jetën, mes të cilëve fëmijë të mitur dhe kjo sipas tij është e tmerrshme dhe e papranueshme.

“Vdekja e tyre është shenjë se njerëzit nuk duan të ndërtojnë të ardhmen, por ta shkatërrojnë atë. Pyes veten se ku do i çojnë urrejtja dhe hakmarrja,” – u shpreh Papa.

Sulmet izraelite vranë 33 palestinezë ditën e diel, përfshirë 13 fëmijë.

LEXONI GJITHASHTU: 

• Kronologji – Hamasi dhe Izraeli: një histori përplasjesh
• Arabia Saudite dënon “shkeljet flagrante” të Izraelit ndaj të drejtave të njeriut në Palestinë
• Kryeministri i Izraelit zotohet se do të vazhdojë sulmet ajrore në Gaza