Ankth mbi Uashington, piloti shpall emergjencën pas defektit në motorin e avionit

Momente ankthi u zhvilluan në qiellin mbi Uashington disa ditë më parë, kur piloti i një aeroplani të United Airlines që mbante 219 pasagjerë në fluturimin për në Gjermani, lëshoi një sinjal rreziku.

Piloti vuri re një problem me motorin e majtë disa minuta pas ngritjes nga Aeroporti Dulles.

Në klipin audio të bisedave me kullën e kontrollit, piloti mund të dëgjohet duke thënë:

“Problem, problem me motorin, motori i majtë. Po shpall gjendje të jashtëzakonshme. Gjendje emergjence, gjendje emergjence, gjendje emergjence”, shtoi piloti i Fluturimit 108, i cili ishte ngritur në orën 6 të mbrëmjes më 25 korrik nga Uashingtoni, D.C., me destinacion Gjermaninë në një fluturim 8-orësh.

Sipas mediave të huaja, piloti zbuloi problemin me motorin e Boeing 787-8 Dreamliner kur avioni ishte në 10,000 këmbë lartësi.

Kontrollorët e trafikut ajror i udhëzuan pilotit të kthehej në verilindje dhe të kthehej në Aeroportin Dulles.

Megjithatë, për shkak se avioni ishte plot me karburant për fluturimin e gjatë, piloti vendosi se ishte shumë i rëndë për t’u ulur dhe kërkoi hapësirë dhe kohë për të bërë rreth për të derdhur karburantin.

U deshën 30 minuta për të përfunduar këtë proces dhe për të ulur avionin në mënyrë të sigurt.

Një zyrtar i linjës ajrore foli për një “defekt mekanik” pa dhënë detaje të mëtejshme rreth problemit të saktë me Boeing 787-8 Dreamliner.

LEXONI GJITHASHTU:

• VIDEO/ Rrëzohet avioni i propozimit për martesë në Turqi, nusja dhe piloti në spital
• VIDEO/ Me thirrjet “Allahu Akbar”, pasagjeri kërcënon për bombë në avion