Netanyahu paralajmëron pushtim total të Rripit të Gazës dhe lirimin e pengjeve

Kryeministri i Izraelit, Benjamin Netanyahu, konfirmoi të hënën vendimin për pushtimin e plotë të Rripit të Gazës, duke përfshirë operacionet ushtarake në zonat ku besohet se mbahen pengje.

“Ne po angazhohemi për të çliruar Gazën nga tirania e këtyre terroristëve,” tha Netanyahu në një video-adresim të postuar në X. “Shumë banorë të Gazës vijnë tek ne dhe thonë: ‘Na ndihmoni të çlirohemi. Na ndihmoni të çlirohemi nga Hamasi’ dhe kjo është ajo që ne do të bëjmë.”

Zyra e Kryeministrit tha gjithashtu në një mesazh drejtuar Shefit të Shtabit, Gjenerallejtënant Eyal Zamir: “Nëse kjo nuk ju përshtatet, atëherë duhet të jepni dorëheqjen”.

Netanyahu dhe Zamir janë në kundërshtim mbi mënyrën e zhvillimit të luftës në Gaza, me tensionet që sipas Radios së Ushtrisë Izraelite “kanë arritur kulmin” të hënën. Ky njoftim vjen pas muajsh bisedimesh të dobëta në Katar midis Izraelit dhe Hamasit, ndërsa ndërmjetësuesit përpiqen të arrijnë armëpushim dhe marrëveshje për lirimin e pengjeve, ndërsa situata humanitare në Rrip përkeqësohet.

Watch This >> pic.twitter.com/oD93pRpuC8

— Benjamin Netanyahu – בנימין נתניהו (@netanyahu) August 4, 2025

Programi i Sigurisë dhe Rimëkëmbjes në Gaza

Nuk u dhanë detaje të tjera rreth planet për Gazën pas luftës, por ato përputhen me një dokument të publikuar në dhjetor 2023 nga Euronews.

Ky dokument, në formën e një punimi akademik prej 32 faqesh të titulluar “Programi i Sigurisë dhe Rimëkëmbjes në Gaza, Si duhet të duket dita pas saj”, u hartua nga Forumi i Mbrojtjes dhe Sigurisë së Izraelit, një grup prej mbi 35,000 rezervistësh të forcave të sigurisë izraelite, dhe Qendra e Jerusalemit për Siguri dhe Punë të Jashtme.

Studimi iu paraqit qeverisë izraelite dhe përfaqëson një nga opsionet që aktualisht po shqyrtohen për Rripin e Gazës, sipas zyrtarëve që folën me Euronews.

Propozimi përshkruan “ditën pas” në skenarin e rënies së Hamasit, duke përfshirë rindërtimin ekonomik, ndërtimin e infrastrukturës dhe “çrrënjosjen e një ideologjie vrasëse”, e quajtur edhe “proces de-nazifikimi”.

“Edhe pse rezultatet e operacionit ushtarak nuk janë arritur ende, është e nevojshme të përgatitet një plan i rregullt për kontrollin e Rripit të Gazës pas rënies së Hamasit,” thuhet në dokument.

Plani përjashton në mënyrë të qartë sovranitetin e Palestinës, Autoritetin Palestinez (AP), dhe praninë e Agjencisë së Kombeve të Bashkuara për Refugjatët Palestinezë (UNRWA) si burim ndihme humanitare.

“Jo më pak serioze është ideja e pamatur e krijimit të një shteti palestinez në Gaza,” theksohet në dokument.

Në dokument nuk thuhet nëse Izraeli synon ta aneksojë Rripin e Gazës, por theksohet se ushtria izraelite dëshiron të ketë një rol më të madh në administrimin e përgjithshëm të zonës.

Konfirmimi dhe kundërshtimet

Autenticiteti i dokumentit u konfirmua nga një zyrtar i lartë qeveritar që foli për Euronews me kusht anonimiteti, si dhe nga anëtarët e Knessetit Ohad Tal dhe Simcha Rothman, pjesë e Partisë Fetare Kombëtare të ekstremit të djathtë dhe koalicionit qeverisës.

“Përmbajtja e këtij dokumenti është pjesë e planeve që po shqyrton qeveria, janë në tryezë,” tha zyrtari. Ai sqaroi se nuk është një “plan i finalizuar,” por “padyshim pjesë e skenarëve që janë në tryezë”.

Tal konfirmoi se plani është në përputhje me drejtimin që po ndjek qeveria, ndërsa Rothman theksoi se kriteret kryesore janë “eliminimi i Hamasit, asnjë prani e Autoritetit Palestinez në Gaza, asnjë shtet palestinez, asnjë UNRWA”.

Kundërshtimi i Ministrit të Jashtëm

Komentet e Netanyahu bien ndesh me ato të Ministrit të Jashtëm, Gideon Sa’ar, i cili i tha Euronews se Izraeli nuk ka “asnjë qëllim” për të kontrolluar Gazën afatgjatë, por vetëm shqetësime për sigurinë.

Referenca te plani i Trump

Netanyahu u shpreh se do të zbatojnë planin e ish-Presidentit amerikan Donald Trump, i cili parashikon që banorët e Gazës që duan të largohen, mund të largohen. Ky propozim përfshin zhvendosjen e të gjithë popullsisë së Gazës në vende të tjera.

Plani u prit me shqetësim nga vendet rajonale dhe organizatat humanitare, të cilat e konsiderojnë një shkelje të së drejtës ndërkombëtare.

Trump kishte sugjeruar gjithashtu rindërtimin e Gazës në formën e “Rivierës së Lindjes së Mesme” me hotele dhe qendra tregtare luksoze.

LEXONI GJITHASHTU:

• Kriza në Gaza, Trump: Duam që njerëzit të ushqehen, por nuk po ndodh gjenocid
• Mbi 180 të vdekur në Gaza në 24 orët e fundit, për shkak të urisë