Ylli i muzikës amerikane Dolly Parton bëhet ikona e Rekordeve Botërore Guinness

Si pjesë e festimeve të 70-vjetorit, Guinness World Records ka nderuar yllin amerikan të muzikës country, Dolly Parton, si një nga ikonat e tyre.

Kompania e cila liston arritjet e rekordeve botërore i ka dhënë Parton, 79 vjeçe, një certifikatë Ikonë, të cilën ia dorëzoi në studiot e saj në Nashville, Tennessee, duke festuar faktin që këngëtarja e hitit “Jolene” mban 11 tituj rekordthyes.

Parton ishte gjithashtu këngëtarja e parë e muzikës country që u nominua për EGOT, një Emmy, një Grammy, një Oscar dhe një Tony i njohur edhe si “Grand Slam i biznesit të spektaklit”.

“Dolly është padyshim një nga interpretueset më të famshme në historinë e muzikës kantri, siç pasqyrohet në shumë certifikata të saj të Guinness world Records, por shtrirja dhe ndikimi i saj shtrihet shumë përtej botës muzikore”, – tha Craig Glenday, kryeredaktor në Guinness World Records.

Përveç karrierës së saj muzikore, Parton ka luajtur në filma si  “9 to 5”  dhe  “Steel Magnolias” , dhe ka fituar dy nominime për çmimin Oscar për këngë origjinale për filmin “9 to 5” dhe “Travelin’ Thru from Transamerica” nga filmi  “Transamerica” .

Në qershor, u njoftua se ajo do të nderohej në nëntor me çmimin humanitar Jean Hersholt një statujë Oscar që u jepet figurave të Hollivudit të njohura për “promovimin e mirëqenies njerëzore dhe kontributin në korrigjimin e pabarazive”.

Libri i Rekordeve Botërore Guinness botoi librin e tij të parë në Londër në vitin 1955 dhe që atëherë ka shitur më shumë se 143 milionë kopje në mbi 100 vende.

Certifikata e Ikonës u është dhënë më parë yjeve, përfshirë Beyonce , Taylor Swift , Sir Paul McCartney dhe Sir Elton John.

LEXONI GJITHASHTU:

• Këngëtarja iraniane arrestohet pasi mbajti një koncert në YouTube pa hixhab
• Paula Abdul anulon turneun muzikor, këngëtarja 62-vjeçare probleme me shëndetin