Me 403 km/h drejt përjetësisë, piloti Chris Raschke humb jetën në kërkim të rekordit

Chris Raschke, piloti i njohur i garave, ka ndërruar jetë në moshën 60-vjeçare, pasi humbi kontrollin e automjetit të tij ndërsa përpiqej të vendoste një rekord të ri shpejtësie në Bonneville Salt Flats, Utah.

Kripat e Bonneville-s janë një nga vendet më të njohura në botë për vendosjen e rekordeve të shpejtësisë në tokë, dhe çdo vit aty zhvillohet eventi i njohur “Java e Shpejtësisë”.

Me një sipërfaqe jashtëzakonisht të sheshtë, ky vend natyror është ideal për testime ekstreme – por gjithashtu shumë i rrezikshëm.

Raschke po pilotonte një automjet të ngjashëm me raketë të quajtur Speed Demon, kur humbi kontrollin mbi të, duke udhëtuar me një shpejtësi prej 403 km/h, rreth 2.5 milje pas nisjes.

🇺🇸 American racer Chris Rushke died at a speed of over 280 mph (450 km/h) on the Bonneville salt flats.

The 60-year-old racer was attempting to set a speed record, reaching 457 km/h, after which he lost control of his land speed vehicle, traveling approximately 3.6 km.

Medical… pic.twitter.com/XvJFyK5pAA

— Lord Bebo (@MyLordBebo) August 5, 2025

Shoqata organizatore e “Javës së Shpejtësisë”, lëshoi një deklaratë ku shpjegoi aksidentin dhe konfirmoi se çështja është në hetim:

“Rreth orës 3:03 pasdite, më 3 gusht, sipas orës malore, shoferi Chris Raschke, 60 vjeç, po përpiqej të vendoste rekord shpejtësie dhe humbi kontrollin e automjetit të tij me shpejtësi tokësore, në afërsisht 2.5 milje. Chris u trajtua nga profesionistë mjekësorë në vendngjarje, por fatkeqësisht ndërroi jetë nga plagët e marra. Shkaku i incidentit është aktualisht nën hetim.”

Ngushëllime të shumta kanë ardhur nga bota e sporteve motorike dhe nga përdorues të mediave sociale, të cilët i kanë shprehur mbështetjen dhe dhimbjen e tyre familjes së Raschke-s dhe ekipit të Speed Demon.

Dennis Sullivan, president i Shoqatës së Garave në Pistat e Kripura të Utah-ut, tha për Associated Press:

“Sportet motorike janë në thelb një sport i rrezikshëm. Njerëzit lëndohen. Njerëzit vriten. Kjo është thjesht natyra e sportit. Nuk ndodh shpesh.”

Sullivan kujtoi se vdekja e fundit e ngjashme kishte ndodhur në vitin 2016, kur Sam Wheeler, 72 vjeç, humbi jetën pasi motoçikleta e tij u ngrit në ajër me shpejtësi 320 km/h.

LEXONI GJITHASHTU:

• Tragjedi në stërvitjen të Portos, Jorge Costa ndërron jetë nga një atak kardiak
• Gara me makina luksoze, të rinjtë bëjnë shpenzime marramendëse
• VIDEO/ Ardon Jashari zbarkon në Milano, fjalët e para të futbollistit shqiptar