VIDEO/ Përplasje tragjike mes autobusi dhe kamioni, shënohen 11 të vdekur në Brazil

Të paktën 11 persona humbën jetën dhe 46 të tjerë mbetën të plagosur pas një aksidenti të rëndë rrugor të ndodhur mbrëmjen e së premtes në Brazil. Ngjarja tragjike ndodhi në shtetin qendror-perëndimor të Mato Grosso, ku një autobus u përplas me një kamion në autostradën BR-163, duke shpërthyer më pas në flakë.

Pamjet e publikuara në rrjet tregojnë momentet e tmerrshme pas përplasjes, ku autobusi ishte përfshirë nga zjarri, duke e bërë shpëtimin e pasagjerëve edhe më të vështirë.

Sipas autoriteteve lokale, nga të plagosurit, 12 janë në gjendje të rëndë përfshirë edhe shoferin e kamionit 26 janë në gjendje të qëndrueshme, ndërsa 8 kanë pësuar vetëm lëndime të lehta. Shkaqet e aksidentit nuk janë bërë ende të ditura dhe hetimet janë në vijim.

Autostrada BR-163 është një nga rrugët më të rrezikshme në vend. Vetëm gjatë vitit 2024, në këtë segment janë regjistruar 1,304 aksidente trafiku, 65 prej të cilëve fatale. Nga janari deri në qershor të këtij viti, 40 persona kanë humbur jetën në këtë rrugë.

Autoritetet po bëjnë thirrje për kujdes të shtuar dhe masa të reja sigurie për të parandaluar tragjedi të ngjashme në të ardhmen.

Uma batida entre uma carreta e um ônibus de viagem deixou 11 mortos e 46 feridos, no km 648 da BR-163, em Lucas do Rio Verde, a 360 km de Cuiabá, na noite de sexta-feira (8).

➡️https://t.co/SAQyWiCw9G pic.twitter.com/8N90PQOFUU

— Jornal O Sul (@OSul_noticias) August 9, 2025

LEXONI GJITHASHTU: 

• Ish-presidenti brazilian dërgohet në arrest shtëpie
• SHBA sanksionon gjyqtarin e Gjykatës së Lartë të Brazilit, Alexandre de Moraes