Dy avionë grekë mbërrijnë në ndihmë për shuarjen e flakëve në Delvinë

Dy avionë zjarrfikës nga Greqia kanë mbërritur sot në Shqipëri për të ndihmuar në përballimin e zjarreve që kanë përfshirë qytetin e Delvinës dhe zonat përreth. Mjetet ajrore janë vënë menjëherë në veprim, duke kryer hedhje uji mbi vatrat aktive, në përpjekje për të vënë situatën nën kontroll.

Zjarri ka rrethuar qytetin nga veriu dhe lindja, duke detyruar autoritetet të evakuojnë banorët nga lagjet “Llakë” dhe “Xhermëhallë”. Policia vijon me paralajmërimet për të larguar edhe familje të tjera, teksa era e fortë e ka bërë të pamundur kontrollin e situatës.

Flakët i janë afruar edhe spitalit të qytetit, ku janë marrë masa për çmontimin e sistemit të oksigjenit, për të shmangur rrezikun e një shpërthimi.

LEXONI GJITHASHTU:

• VIDEO/ Zjarr i madh në Delvinë, flakët afrohen pranë lagjes më të vjetër të qytetit
• Ambasada e SHBA apel qytetarëve të vet: Kujdes nga zjarret, kërkoni ndihmën tonë