“Eurovision 2021”, kualifikohen 10 shtetet e para për në natën finale

Festivali i Eurovision filloi të martën me 16 vende që luftuan për të siguruar një vend në finale e madhe të së shtunës.

Në gjysmëfinalen e parë morën pjesë Lituania, Sllovenia, Rusia, Suedia, Australia, Maqedonia e Veriut, Irlanda, Qipro, Norvegjia, Kroacia, Belgjika, Izraeli, Rumania, Azerbajxhani, Ukraina dhe Malta, por vetëm 10 prej tyre kaluan fazën e parë.

Gjysmëfinalja e dytë do të zhvillohet ditën e enjte, në të cilën do të performojë edhe përfaqësuesja e Shqipërisë, Anxhela Peristeri me këngën “Karma”.

Një total prej 26 vendeve do të marrin pjesë në finalen e së shtunës në mbrëmje, e cila këtë vit zhvillohet në Roterdam, Holandë, pas fitores së vendit në edicionin e kaluar.

Festivali është tani në vitin e 65-të të tij dhe një total prej 39 vendeve po marrin pjesë në konkursin e këtij viti, të gjitha europiane, me përjashtim të Izraelit dhe Australisë.

Kriza globale e shëndetit ka ende një ndikim këtë vit në këtë event muzikor, pasi vetëm 3,500 njerëz do të lejohen që të ndjekin nga afër festivalin.

Të gjitha këta persona janë testuar.

Favoritet e këtij viti për të “rrëmbyer” çmimin e parë janë Italia, Franca dhe Malta, sipas EurovisionWorld.com.