Tërmeti vrau mbi 800 persona, helikopterët në kërkim të të mbijetuarve në Afganistan

2 Shtator 2025 | 08:29

Ekipet e helikopterëve kanë rinisur fluturimet në fshatra të largëta në Afganistan për të mbijetuarit e një tërmeti me magnitudë 6.0 që ndodhi të dielën dhe la më shumë se 800 të vdekur, sipas agjencisë humanitare të OKB-së.

Tërmeti goditi provincën malore Kunar të dielën dhe meqë rrugët janë bllokuar nga rrënojat, operacionet e shpëtimit duhet të kryhen nga ajri. Numri i të vdekurve mund të rritet ndjeshëm pasi shumë njerëz ende dyshohet se janë të bllokuar nën rrënoja, ndërsa zyrtarët raportojnë se fshatra të tëra janë shkatërruar.

OKB-ja po përgatit vakte dhe batanije të ngrohta, tha për BBC- në koordinatori kryesor i saj në Afganistan. Talebanët kanë bërë thirrje për ndihmë ndërkombëtare , me Mbretërinë e Bashkuar që premtoi 1 milion paund në fonde ndihme, duke theksuar se paratë nuk do të shkojnë në duart e talebanëve.

Tërmeti goditi në një thellësi të cekët prej 8 km (5 milje) – e cila mund të jetë më shkatërruese – dhe dridhi ndërtesa nga Kabuli deri në kryeqytetin e Pakistanit, Islamabad.

Njw ditw mw parw, shefi i menaxhimit të fatkeqësive në provincë tha se: “Nuk mund të parashikojmë me saktësi se sa trupa mund të jenë ende të bllokuar nën rrënoja”, tha ai. “Përpjekja jonë është t’i përfundojmë këto operacione sa më shpejt të jetë e mundur dhe të fillojmë shpërndarjen e ndihmës për familjet e prekura.”

Afganistani është shumë i prirur ndaj tërmeteve sepse ndodhet në majë të një numri vijash çarjeje ku takohen pllakat tektonike indiane dhe euroaziatike.

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Efektivi tek Trauma, niset dhe autori me ambulancë, si paraqitet gjendja e dy të plagosurve

Skëndër Brataj, Drejtor i Urgjencës ka njoftuar mbi gjendjen aktuale të evektivit të plagosur Edison Adri. Brataj shpjegon se gjendja e tij është stabilizuar dhe...
11:22 | 04/06/2026

Vrasja e efektivit në Maliq, Hita: Ditë e trishtë për Policinë e Shtetit, nuk do doja të isha para jush

Kreu i Policisë së Shtetit, Skënder Hita ka reaguar pas ngjarjes së rëndë të ndodhur në Maliq, ku gjatë një operacioni policor humbi jetën efektivi...
11:15 | 04/06/2026

Berisha, Ramës: Anulo mitingun e Vlorës

Kryetari i PD-së, Sali Berisha i bëri thirrje maxhorancës të anulojë një anti-miting të paralajmëruar për ta mbajtur nesër në Vlorë. Lideri i opozitës tha...
11:10 | 04/06/2026