Helmim masiv në Indonezi: 400 fëmijë u sëmurën pasi hëngrën vakte falas në shkollë

Rreth 400 fëmijë në Indonezi u sëmurën pasi hëngrën vakte falas në shkollë, rasti më i keq i helmimit masiv nga ushqimi deri më sot në atë vend, raporton AP.

Në provincën perëndimore indoneziane të Bengkulu-së, fëmijët e moshës 4 deri në 12 vjeç u dërguan me urgjencë në një spital lokal duke u ankuar për dhimbje stomaku.

Autoritetet do të nisin një hetim për shkakun e sëmundjes, tha zëvendësguvernatori i provincës Mian.

“Ne do ta pezullojmë përkohësisht punën në këtë kuzhinë ndërsa hetojmë se ku janë pikat e dobëta. Kjo është përgjegjësi e ekipit hetimor të Agjencisë Kombëtare të Ushqimit dhe autoriteteve”, tha ai.

Sipas AP, incidenti lidhet me programin ushqimor të Presidentit Prabov Subiant.

Prabovo nisi një program me vakte falas për fëmijët dhe gratë shtatzëna në janar, por iniciativa u pengua nga helmimi masiv nga ushqimi në të gjithë arkipelagun, duke prekur qindra njerëz.

Muajin e kaluar, 365 persona u sëmurën nga vaktet falas në shkollë në ishullin indonezian të Java-s.

Sipas raportimeve të mediave lokale, rezultatet laboratorike treguan se shpërthimi ishte rezultat i higjienës së dobët.

LEXONI GJITHASHTU:

• Hynë me forcë në vilën e tij, vritet me armë zjarri një australian në Indonezi
• Shpërthen vullkani në Indonezi, reja e hirit mbi 10 km e lartë