Plagosën dy persona me thikë pas një konflikti, arrestohen dy të rinj në Durrës

Një konflikt i dhunshëm për motive të dobëta ka përfunduar me dy persona të plagosur rëndë dhe dy të rinj të arrestuar në lagjen nr. 15, Spitallë, në Durrës.

Policia njofton se ngjarja ka ndodhur një ditë më parë dhe se janë vënë në pranga dy shtetas për përfshirje në ngjarje.

Specialistët për Hetimin e Krimeve në Komisariatin e Policisë Durrës arrestuan në flagrancë:

• Rodriko Elezi, 22 vjeç, banues në Durrës, për veprat penale “Plagosja e rëndë me dashje” dhe “Prodhimi, mbajtja, blerja apo shitja pa leje e armëve të ftohta”;

•  Aldo Dubraku, 23 vjeç, gjithashtu banues në Durrës, për veprën penale “Plagosja e rëndë me dashje”.

Sipas hetimeve paraprake, në konflikt janë përfshirë dy çifte babë e bir: M. D., 47 vjeç dhe Aldo Dubraku, 23 vjeç, nga njëra anë, si dhe A. E., 46 vjeç dhe Rodriko Elezi, 22 vjeç, nga ana tjetër.

Dyshohet se Rodriko Elezi, ka goditur me thikë shtetasin M. D., duke i shkaktuar plagë të rënda, ndërsa Aldo Dubraku ka sulmuar me grushte shtetasin A. E., duke i shkaktuar dëmtime në fytyrë. Të dy të plagosurit ndodhen aktualisht në spital, nën kujdesin e mjekëve.

Policia ka sekuestruar armën e ftohtë që dyshohet se është përdorur gjatë ngjarjes dhe ka nisur hetimet për të zbardhur plotësisht rrethanat e konfliktit.

LEXONI GJITHASHTU:

• Aksident i rëndë në Orikum, përmbyset një automjet pranë Portit të Jahteve
• Në kërkim për vrasjen e Renato Hoxhës, del foto e rumunit të dyshuar si ekzekutor