Në kërkim për vrasjen e Renato Hoxhës, del foto e rumunit të dyshuar si ekzekutor

Ky person që shikoni në foto është Daniel Cornea, shtetasi rumun i dyshuar si ekzekutori i Renato Hoxhës, i cili u vra më 27 prill të këtij viti në Vlorë.

Cornea është shpallur në kërkim ndërkombëtar dhe rezulton me precedentë të theksuar penal në fushën e krimeve kundër personit.

Identifikimi i tij është bërë i mundur falë pamjeve të kamerave të sigurisë, ku ai shihet duke u larguar nga vendi i ngjarjes menjëherë pas vrasjes.

I maskuar dhe me kapele, autori i zë pritë Hoxhës në momentin që ky del nga banesa dhe e qëllon me katër plumba pistolete.

Më pas, largohet në këmbë përmes një shtegu me bimësi në drejtim të kodrës “Kuzum Baba”, duke humbur gjurmët.

Sipas hetimeve paraprake, dyshohet se ekzekutimi i Renato Hoxhës është porositur nga Dubai, ku strehohen disa eksponentë të botës së krimit.

Pista kryesore hetimore lidhet me mundësinë që viktima të ketë qenë informator i një grupi kundërshtar.

Lidhur me këtë ngjarje janë arrestuar disa bashkëpunëtorë të dyshuar:

Më 1 gusht është arrestuar Kleanth Bylyku, ndërsa udhëtonte me një automjet tip Audi të bardhë ndërsa dyshohet se ka pasur rol ndihmësi në organizimin e vrasjes.

Më 30 prill ra në pranga Eris Mehmetaj, i dyshuar për sigurimin e automjetit me të cilin është lëvizur autori ditën e ngjarjes në Vlorë.

Mehmetaj rezulton të ketë qenë mik i Roan Brahimit, i ekzekutuar më herët në Greqi. Në rrjetet sociale, ai shfaqej shpesh duke bërë jetë luksoze në Dubai.

LEXONI GJITHASHTU:

• VIDEO| Vrasja e Renato Hoxhajt në Vlorë, arrestohet një prej personave të përfshirë
• Gjykata lë në burg Erlis Mehmetajn, akuzohet se ndihmoi vrasësin e Renato Hoxhajt