Gjykata lë në burg Erlis Mehmetajn, akuzohet se ndihmoi vrasësin e Renato Hoxhajt

Gjykata e Vlorës ka lënë në burg Erlis Mehmetajn, të arrestuarin dy ditë më parë, si të implikuar në vrasjen e Renato Hoxhajt më 27 prill.

Ai është arrestuar nën dyshimet se makina, të cilën përdori vrasësi, është në pronësi të tij.

Erlis Mehmetaj, përpara oficerëve të policisë, ka mohuar çdo lidhje me vrasjen e Renato Hoxhës në Vlorë, më 27 prill megjithatë, përballë faktit që automjeti është në pronësi të tij, ai e ka pranuar këtë, duke deklaruar në polici se makina është e njëjtë me atë që zotëron.

Ndër të tjera, ai ka shtuar se automjetin ia kishte lënë për përdorim një miku të tij, pasi ky ia kishte kërkuar, dhe se nuk ka dijeni se për çfarë është përdorur më pas makina.

Nga hetimet e deritanishme, policia dyshon se automjeti mund të jetë çmontuar në ndonjë pikë skrapi ose në servis, ndaj po zhvillohen hetime edhe në këtë drejtim.

Eris Mehmeti është lënë në burg nga Gjykata e Vlorës, i dyshuar për “Përkrahje të autorit të krimit” dhe “Sigurim kushtesh për kryerjen e vrasjes së Renato Hoxhës.”

LEXONI GJITHASHTU:

• Porosia erdhi nga jashtë vendit, kush është i arrestuari për vrasjen në Vlorë
• Dalin pamjet e autorit të dyshuar të vrasjes së 58-vjeçarit në Vlorë