Sulm masiv i forcave ruse në Ukrainë, Zelensky: U lëshuan 40 raketa dhe 580 dronë

Forcat ruse kanë nisur një sulm të fuqishëm me raketa dhe dronë kundër qyteteve ukrainase, përfshirë Dnipron, Nikolaivin dhe zona të tjera, herët të shtunën, më 20 shtator, duke shkaktuar shkatërrime të mëdha dhe viktima.

Sipas raportimeve, një ndërtesë e lartë banimi në Dnipro u godit nga një raketë në mëngjes, ndërsa qyteti pësoi sulme të përsëritura me dronë gjatë natës, duke shkaktuar shpërthime dhe ndërprerje të shërbimeve të energjisë elektrike dhe ujit.

Lajmin e bëri të ditur Zelensky në një postim në X, teksa ka ndarë pamje nga dëmet e sulmit dhe thekson se u lëshuan 40 raketa dhe 580 dronë.

Nga ana tjetër, kryetari i bashkisë së Dnipros, Borys Filatov, dhe kreu rajonal i Dnipropetrovskit, Serhiy Lysak, konfirmuan shkatërrimet në qytet dhe zonat përreth, përfshirë zjarre të mëdha dhe dëme në ndërtesa dhe ndërmarrje. Dëmet përfshijnë ndërtesa të larta, shtëpi private, garazhe, si dhe territorin e ndërmarrjeve. Raportet fillestare kanë njoftuar për një viktimë dhe 26 të plagosur, duke përfshirë një person të rritur që ndodhet në gjendje kritike.

Në qytetin e Pavlohradit, gjithashtu, dronët dhe raketat kanë shkaktuar zjarre në ndërmarrje. Ndërkohë, në Mykolaiv, forcat ruse kanë sulmuar objekte industriale, duke shkaktuar shpërthime dhe zjarre, ndërsa një fermë është goditur gjithashtu, duke sjellë dëme të mëdha.

Hetimet dhe operacionet e shpëtimit vijojnë ndërkohë që situata mbetet e tensionuar në këto zona.

Zelensky:

40 missiles, cruise and ballistic, and about 580 drones of various types were launched by the Russian Federation against Ukraine today. pic.twitter.com/pdNJm9zTwU

— Clash Report (@clashreport) September 20, 2025