Trump i kërkon Erdoganit në “Shtëpinë e Bardhë” të ndalojë blerjen e naftës ruse

25 Shtator 2025 | 19:29

Presidenti amerikan Donald Trump ka thënë se shpreson që Turqia të ndalojë blerjen e naftës nga Rusia, gjatë një takimi dypalësh me presidentin turk, Recep Tayyip Erdoğan.

“Do të doja që ai të ndalonte së bleri naftë nga Rusia, ndërkohë që Rusia vazhdon agresionin e saj kundër Ukrainës, dhe ata kanë qenë në luftë,” tha Trump nga Zyra Ovale. “Ata kanë humbur miliona jetë tashmë, dhe për çfarë, e dini, për çfarë? E turpshme.”

Trump vazhdoi duke lavdëruar presidentin turk dhe fuqinë ushtarake që ai ka ndërtuar.

“Është një nder ta kemi këtu në Shtëpinë e Bardhë,” tha presidenti amerikan.

“Do të bëjmë disa marrëveshje tregtare shumë të mira për të dy vendet. Bëjmë shumë biznes me Turqinë. Ata prodhojnë produkte të shkëlqyera. Produkte të bukura, me cilësi të lartë prodhues vërtet të mrekullueshëm dhe ne blejmë shumë prej tyre, dhe ata blejnë shumë nga ne.”

Erdoğan nuk iu përgjigj drejtpërdrejt komenteve të Trump-it për Rusinë, por tha se mezi pret të diskutojë marrëdhëniet turko-amerikane.

Trump shtoi se “ata e respektojnë vërtet Erdoğanin. Edhe unë e respektoj, dhe mendoj se ai mund të ketë një ndikim të madh, nëse dëshiron.”

“Aktualisht, ai është shumë neutral. I pëlqen të qëndrojë neutral. Edhe mua më pëlqen të jem neutral,” vazhdoi Trump. “Por ai është dikush që, nëse do të përfshihej, gjëja më e mirë që mund të bënte do të ishte të mos blinte naftë dhe gaz nga Rusia.”

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026